Pas tensioneve të shumta, Këshilli i i Përgjithshëm i Bashkimit Demokratik për Integrim miratoi unanimisht propozimin e Kryesisë për kandidatët për deputetë. Në listën e emrave janë renditur Artan Grubi, për njësinë numër 1, Ejup Halimi njësia numër 2, Nafi Durmishi në njësinë numër 3, Artin Spahiu, njësia numër 4 , Agim Shaqiri, njësia numër 5, kreu i BDI-së, Ali Ahmeti u rendit në njësinë numër 6, ndërsa në njësinë numër 7 si kandidat i BDI-së për diasporën do të kandidojë Xhevdet Spahiu. Sic duket, numri më i madh i kandidatëve janë emra të panjohur, me përjashtim të Artan Grubit, i cili njihet si deputet dhe zëdhënës partie, apo kryetarit Ali Ahmeti.
Ndërkohë, pritet të publikohen edhe listat e deputetëve nga Lëvizja BESA dhe VMRO-DPMNE, kurse partitë PDSH, LR-PDSH dhe LSDM-ja maqedonase, tashmë i kanë zyrtarizuar kandidatët e tyre/M.Krasniqi.
