Nga Mensur Krasniqi
Gazeta e përditshme maqedonase “Dnevnik” në numrin e sotëm ka botuar si titull kryesor deklaratën e deputetit të BDI-së dhe shef i kabinetit të kryetarit të kësaj partie, Ali Ahmetit, Artan Grubi, dedikuar kryetarit të Kongresit Botëror Maqedonas, Todor Petrov.
Titulli bartës: “Grubi: Petrovi ka zënë në thu dhe është rrëzuar dhe e ka lënduar kokën”. Një deklaratë ironike kjo e Artan Grubit që mund të komentohet në shumë kuptime, si përshembull: “hem të rrafim hem të përqeshim”, ose ndoshta me këtë ka përgënjeshtruar pohimin e Petrovit se funksionarët e BDI-së e kanë rrahur meqë ky është iniciatori kryesor për vendosjen e kryqit gjigant në lartësi prej 55 metrave në komunën e Butelit në Shkup, komunë kjo ku jetojnë shumica shqiptarë dhe mysliman.
Ndërsa në mbititull të ballinës së gazetës “Dnevnik” shkruhet se “ata që rrahën janë në liri, ndërsa ministri i brendshëm Spasovki ndan leksione”.
Po ashtu, në mbititull thuhet se “BDI-ja përqesh”.
Ndryshe, kryetari i Kongresit Botëror Maqedonas, Todor Petrov, dje për herë të parë ka dalë me deklaratë duke zbuluar edhe identitetin e atyre që e kishin rrahur disa orë pas inagurimit të gurthemelit të kryqit. Ai në profilin e tij në facebook ka akuzuar zyrtarët e lartë të Bashkimit Demokratik për Integrim, gjegjësisht Bekir Asanin, kryetar i degës Çair dhe Izet Mexhitin, kryetar i komunës Çair si sulmuesit kryesor ndaj tij. /tesheshi.com/
