Diaspora e Bashkuar Maqedonase ka shprehur shqetësimin rreth platformës së përbashkët të shqiptarëve në Maqedoni si dhe për ndërhyrjen e kryeministrit shqiptar Edi Rama në këtë proces.
Kjo organizatë, e cila i quan shqiptarët pakicë, kërkon bashkimin e dy partive më të mëdha maqedonase për të ndaluar federalizimin e vendit, gjuhën shqipe si dhe ndërhyrjet e Tiranës zyrtare në punët e brendshme të shtetit maqedon.
Madje, ata kërkojnë edhe dënimin e kryeministrit Rama, i cili sipas tyre ka kërkuar ndryshimin e Kushtetutës së Maqedonisë.
Një kërkesë e çuditshme e kësaj organizate është edhe ndalimi i themelimit të partive me karakter etnik në Maqedoni.
Kujtojmë se para një jave, kyeministri i Shqipërisë, Edi Rama arriti t’i ulë në një tryezë të përbashkët të gjithë liderët e partive politike në Maqedoni për t’i këshilluar rreth veprimeve të tyre para se të vendosen të koalicionojnë me partnerët maqedonas për formimin e qeverisë së re.
Dhe kjo solli për herë të parë një takim të tyre dhe daljen me një platformë të përbashkët. Dhe siç duket, të pamësuar me shqiptarë që bashkoohen, bëhen një edhe në rast se janë kundërshtarë politikë, kjo ka bërë që të ketë reaksione nga kahja përballë, ajo maqedonase në rastin konkret.
M.Krasniqi – /tesheshi.com/
