Nga Mensur Krasniqi
Një skandal i paparë po trondit Maqedoninë. Një maqedonas ka mbaruar dizertacionin e doktoraturës me një temë që nuk ka të bëj me asnjë shkencë.
Bëhet fjalë se si ndikon tek një qytetar faktori psikologjik kur shkon që të blejë pllaka për banjon e shtëpisë.
Kjo nënkupton se në Maqedoni shkenca është në nivelin më të ulët dhe se çdo kush mund të mbarojë dhe të merr titullin “doktor shkence” me çfarëdolloj forme apo teme.
Kjo është bërë temë-dite në Maqedoni dhe përflitet ngado, në rrjete sociale e biseda të zakonshme rruge apo kafeneje. Janë me qindra statuse shoqëruar me komentet qesharake në adresë të këtij doktoranti të ri maqedonas, po edhe të Ministrisë së Arsimit dhe Shkencës, e cila e ka toleruar një gjë të tillë.
Në mënyrë që të vërtetohet nëse kjo temë është shqyrtuar dhe nëse është e pranueshme nga ana e Ministrisë së Arsimit dhe Shkencës, portali tesheshi.com ka kontaktuar në linjë telefonike këshilltarin e kabinetit të kësaj ministrie, Safet Nezirin.
Por ai tha se ishte i zënë i zënë në një takim zyrtar, se nuk është i njohur aq sa duhet për këtë çëshje, andaj nuk dhe mund ta komentonte.
“Jam në një takim zyrtar, nuk e di, nuk e di, nuk jam i informuar aq shumë për këtë temë. Nuk mund të them diçka më tepër”, tha këshilltari Safet Neziri, duke mos pranuar të vijojë më tej për këtë çështje.
Do ishte më e justifikueshme sikur punimi i doktoraturës me temë “pllakat e banjos” të ishte mbi përbërësit e tyre, kualitetit material, në funksion të rezistencës apo estetikës.
Por që punimi të merret me indikacionet psikologjike tek njeriu teksa shkon të blejë pllaka banjoje, kjo është e denjë për një titull doktorature mbi thellësinë e ironisë nga ana e autorit. /tesheshi.com/
