Një mantel i zi i veshur nga kapiteni i Argjentinës, Lionel Messi, iu dha atij në “shenjë nderi” teksa ngriti trofeun e Kupës së Botës në Katar.
Manteli i hollë tradicional arab i tejdukshëm iu vendos Messit nga Emiri i Katarit përpara se ai të bashkohej me shokët e tij të skuadrës në podium për të testuar fitoren kundër Francës.
Disa shikues dhe media, të panjohura me veshjen dhe rëndësinë e saj, mbetën të hutuar, por një akademik shpjegoi se ishte mënyra e Katarit për ta nderuar Messin.
Dr. Mustafa Baig, një lektor në Studimet Islame në Universitetin e Exeter-it, i tha agjencisë së lajmeve PA se manteli i zi është një rrobë formale që zakonisht vishet nga anëtarët e familjes mbretërore, personalitetet, dhëndërit në ditën e tyre të dasmës dhe të diplomuarit në ceremonitë e diplomimit.
“Kështu që vetëm disa njerëz të zgjedhur e veshin atë mantel,” tha ai.
Duke folur për Messin që iu dha ajo veshje, Dr. Baig tha: “Ata në thelb e nderuan Mesin duke ia vënë mantelin mbi supe.
“Është si një shenjë nderi dhe thjesht një lloj mirëseardhjeje kulturore dhe një pranim kulturor.”
Dr. Baig tha se është gjithashtu përfaqësuese e veshjes kombëtare të Katarit, por vetëm në raste të rëndësishme.
“Dhe ky është një rast i rëndësishëm. Dua të them, ndoshta nuk ka ndonjë rast më të madh se ky, ndaj ia vendosën si shenjë nderimi,” tha ai.
Dr. Baig tha se ai e shihte atë si “një përqafim nga Messi të kulturës lokale”, duke shtuar se ishte “një gjë mjaft e lezetshme” për Katarin ta bënte këtë dhe “një gjetje e zgjuar” nga ana e tyre.
Ai tha se manteli i zi është një veshje më e lidhur me vendet e Gjirit dhe jo fort e zakonshme në vendet e tjera arabe.
“Ata në thelb e nderuan atë duke i’a veshur atë, vetëm për ta njohur atë si disi të tyrin për atë moment të vogël,” tha ai. /tesheshi.com/
