Frenezia e manovrave mediatike të Tiranës nuk ka të sosur. Pikërisht, rasti i Saimir Tahirit ka dëshmuar se në çfarë gjendje të rënduar ndodhen mediat shqiptare, ku nuk i afrohen me kilometra standardit të para vitit 2005.
Si mund të transmetojnë media që e quajnë veten profesionale, e gazetarë me përvojë të shkruajnë një lajm që realisht nuk është i vërtetë?
Prej mëngjesit e deri në orën 16.00 ka qarkulluar në shumë prej mediave shqiptare lajmi se Saimir Tahiri ka dhënë dorëheqje!
Asnjë gazetar i këtyre mediave nuk pyeti zyrtarisht, nw qeveri apo tek kabineti i Saimir Tahirit mbi dorëheqjen e tij.
Po pse atëherë shkruan frazën: “Zyrtare, Saimir Tahiri ka dhënë dorëheqjen?”
Po kur Saimir Tahiri shkroi në faqen e tij se nuk kam dhënë dorëheqjen? Çdo të shkruajnë tani: Tahiri nuk do të pranojë se ka dhënë dorëheqjen, apo ai mashtron veten sepse zyrtarisht e ka dhënë dorëheqjen?!
Në fakt një lajm profesional duhej shkruar kështu: Burime pranë një prej partive të koalicionit qeveritar, bëri të ditur se Saimir Tahiri ka dhënë dorëheqje de fakto, por ende nuk është bërë formale. Pritet që kjo të bëhet gjatë ditës së sotme, gjatë një takimi ndërmjet Saimir Tahirit dhe kryeministrit Edi Rama. Ja kaq dhe më pas të pritej kur lajmi të zyrtarizohej.
Por në fakt çfarë ka ndodhur? Sipas burimeve brenda koalicionit qeveritar, qarqe të rëndësishme politike të larta në koalicion por jo të PS-së e as të PDIU-së, kanë shpërndarë në disa media lajmin se Saimir Tahiri ka dhënë dorëheqjen. Kur kaloi dy orë dhe nuk po bëhej publike, u bë presion që të quhej zyrtare largimi i tij. Kur as zyrtar e nuk u bë, u shpërnda nga një burim tjetër brenda koalicionit, jo nga ai pari, se të hënën do të largohen të gjithë ministrat që janë krerë të deleguar qarqesh. Pra do të ketë një konfigurim qeverie. Sipas këtij lajmi i bie që të ikin të gjithë ministrat aktualë socialistë, të gjithë, e të rinovohen nga e para.
Por duhet pritur e hëna, ku siç thuhet Edi Rama do të mbajë një deklaratë të rëndësishme për shtyp të shpjegojë arsyet, shkaqet dhe ofertën e re politike për Partinë Demokratike.
Kjo e fundit e ka dhënë tashmë qëndrimin e vet se do që të ikë vetë Rama, por gjërat pritet të lëvizin në kampin e çadrës tashmë.
Realisht Edi Rama ka ndërmarrë një lëvizje të fortë duke ofruar një kabinet teknik dhe neutral deri në zgjedhje, si për t’i hequr alibinë PD-së se ministrat do të ndikojnë politikisht në zgjedhje. Një kabinet, që padyshim nuk ishte ai që do Edi Rama apo ai që do Lulzim Basha, por qw gjithsesi pwrbwn një lëvizje dhe natyrisht lëvizje që bëhet kur negocion. Tani pritet që Ilir Meta të hyjë në çadër dhe siç tha dy ditë më parë të negocojë, vetëm nëse nuk është i mërzitur se priste lëvizje tjetër e jo këtë. /tesheshi.com/
