Qeveria serbe ka bërë gati manovrën më të re në Kosovë.
Një kërkesë formale që do të qarkullojë në negociatat me Beogradin, është dhe ajo e marrjes së 44 mijë pronave të patundshme që sipas Beogradit u takojnë qytetarëve të Serbisë. Ende nuk është e qartë sa është sipërfaqja e përgjithshme e pronave apo vendodhja e tyre, por një ministër i qeverisë serbe theksoi sot se gjithçka të bëhet zyrtare.
Siç bën të ditur televizioni serb B92, Ministri i Çështjeve Sociale të Serbisë, Aleksandër Vulin deklaroi se “çdo vendim i gjykatave Kosovare për mohimin e 44 mijë pronave qytetarëve serbë do të rrezohet dhe të gjtiha do tu kthehen të zotëve.
Vulin tha se “qeveria e Vuçiç nuk do të njohë kurrë pavarsinë e Kosovës dhe dokumentet që dalin nga ky shtet siç janë gjykatat”
Vulin tha “se të gjithë serbët duhet të kthehen në Kosovë për të garantuar të ardhmen në mënyrë që edhe një fëmijë kur ta vizitojë Kosovën të shikojë kishat tona dhe shenjat e tjera që tregojnë se ai vend është pjesë e Serbisë”.
Në fakt një raport i Institutit Serb të Statistikave thekson se shumë serbë të Kosovës kanë shitur tokat e tyre ne disa fshatra pranë Prishtinës pasi ka pasur çmime të leverdishme nga bizneset që janë ngritur në zonën industrial.
Shumica e këtyre serbëve jetojnë në Beograd, që prej kohës kur Milosheviçi u ofroi shtëpi pranë kryeqytetit serb, si dhe pensione për familjet si kompensim për përfshirjen e tyre në strukturat policore dhe paramilitare gjatë pushtimit të Kosovës.
Sipas Vulin, që nga vendosja e forcave ndërkombëtare në Kosovë janë kthyer 22.000 serbë por në Kosovë kanë ngelur vetëm 4.000 të tillë. Sipas tij në zonat urbane praktikisht është ndalur. /tesheshi.com/
