Për ministri i Drejtësisë të qeverisë Rama, për gjygjtarët dhe prokurorët e korruptuar në sistemin e Drejtësisë në Shqipëri, nuk ka pse vetëm t’u ulet trau për të kaluar në SHBA, por ata duhet të ndiqen dhe penalisht.
Ky ishte reagimi i tij pas deklarimit të ambasadorit amerikan, Lu se SHBA u kanë refuzuar vizat për në Amerikë disa njerëzve të Drejtësisë në Shqipëri, të cilët rezultojnë të korruptuar.
“Vullneti im është i qartë, i prerë dhe i ftohtë për çdo gjykatës që gjendet në këto kushte. Të fillojë procedimi për çdo gjyqtar apo prokuror që gjendet në shkelje me ligjin”, ka deklaruar Manjani.
Dhe në fakt kjo është pikëpyetja kryesore që lind pas deklaratës së Lu-së, se, derisa Uashingtoni e ka të qartë tashmë se kush është i korruptuar, derisa jua refuzon vizat me këtë bindje, përse nuk lëviz drejt çuarjes së tyre për ndjekje penale?! Por përgjigja mund të jetë se pikërisht për këtë arsye pritet miratimi i Reformës në Drejtësi. /tesheshi.com/
