Ministri i Drejtësisë shqiptare, Ylli Manjani e ka pohuar pa asnjë lloj hezitimi se të gjithë ekspertët e Reformës në Drejtësi ishin pjesë e Fondacionit Soros dhe paguhen nga nga fondacion. Ky është një fakt tha Manjani. Deklarata e tij u bë në Top Story ku ishte i ftuar përballë gazetarit Sokol Balla. Dhe më pas, i pyetur nëse besonte tek një teori konspiracioni sa i përket kësaj çështjeje, Manjani u përgjigj: prirem që po!
Kujtojmë që një pjesë e medias është investuar fuqishëm në njollosjen e Reformës në Drejtësi duke ia atribuuar atë Sorosit. Ky i fundit, siç dihet, ka dritëhijet e veta në zhvillimet globale dhe, për një pjesë të politikës dhe opinionit, në Shqipëri a vende të tjera, përfshirë dhe Amerikën, atje ky ai ka ngritur perandorinë e tij diktuese e lobuese deri në politika me theks global, mbetet një person i urryer.
Më tej, kreu i drejtësisë shqiptare ka këmbëngulur tek krjimi i xhandarmërisë apo karabinerisë për të luftuar drogën. Manjani e konsideroi drogën si kërcënuesin më të madh të sigurië kombëtare. Sipas tij, një forcë kuazi-policore siç është xhandarmërie – të cilën siç tha ai vetëm Shqipëria nuk e ka, ndërkohë që e ka patur në kohën e Zogut – i jep zgjidhje asaj për të cilën droga nuk frenohet dot e që është kontrolli mbi territorin.
Ndërkohë, Manjani ka bërë një diversion të guximshëm politik teksa po pohonte me gojën plot padrejtësitë në Shqipëri. Ai tha se është e padrejtë që një ish-kryetar bashkie që “ia ka lyp” një femre të qëndrojë në burg, e një tjetër që ka trafikuar femra të jetë i lirë – aludim që ka qenë për Shukri Xhelilin dhe Elvis Rroshin – por që ai nuk pranoi se iu referua rasteve konkrete dhe personave konkretë.
Po ashtu, Manjani u shfaq i zhgënjyer dhe për mosarrestimin ende të Klemend Balilit, një ish-zyrtar i LSI-së, partisë ku aderon Manjani, për të cilin tha se ishte distancuar menjëherë e se kishte kërkuar urgjentisht që në maj arrestimin e tij. Aludimin kësaj here e pati për ministrin Tahiri. Manjani tha me një habi denoncuese ndaj kolegut të tij të Rendit, se ende nuk po e kuptonte se përse Balili nuk ishet arrestuar e nuk po arrestohej. /tesheshi.com/
