Opozita e bashkuar ka njoftuar se kanë marrë të gjitha masat teknike në mënyrë që manifestimi kundër marrëveshjeve për “Zajednicën” dhe demarkacionit me Malin e Zi të shkuojë i qetë. Ata u kanë premtuar qytetarëve se nuk do të ketë dhunë dhe as provokime, por do të dalin me familjet.
Manifestimi do të fillojë me intonimin e himnit kombëtar, fjalimet e liderëve dhe disa pika artistike.
Deputeti i VV-së, Glauk Konjufca tha se për të dyja këto marrëveshje kanë sjellë argumente që janë të dëmshme.
Deputeti i AAK-së, Pal Lekaj tha se janë në fund të përgatitjeve për një manifestim paqësor.
“Deri më tani kemi kontaktuar mbi 2 mijë zyrtarë që kanë shprehur gatishmëri për të dalë nesër në manifestim për të treguar se me vendin nuk mund të luajnë dy vetë”,- ka thënë ai. Lekaj, u ka premtuar qytetarëve se nuk do të ketë dhunë dhe as provokime por do të dalin me familjet e tyre.
“Sjellja e deputetëve në parlament nuk është e pranueshme, por kjo qeveri na ka detyruar ta bëjmë këtë”, tha Lekaj./tesheshi.com/
