Manchester United është gati të thyejë rekordin prej 105 milionë eurosh që i pagoi Juventusit për Paul Pogba në vitin 2016, që është ende transferimi më i madh që vjen në Old Trafford.
Të paktën kështu pohon portali anglez The People’s Person, i njohur për burimet e mira nga Manchester United.
“Djajtë e Kuq” do ta paguanin këtë shumë për Eduardo Camavingan, të gjitha me bindjen e Casemiros, i cili erdhi nga Reali verën e kaluar dhe shumë shpejt u bë një nga lojtarët më të rëndësishëm në skuadrën e Erik ten Haag. Braziliani ndau dhomën e zhveshjes me Camavingan për një sezon dhe tani po bën gjithçka për të bindur drejtuesit e United që të sjellin francezin e ri.
Camavinga erdhi te Reali në verën e vitit 2021 për 40 milionë euro dhe megjithëse ka shumë konkurrencë në mesfushë te Klubi Mbretëror, ai luftoi për një vend në formacionin titullar.
Duke pasur parasysh këtë, është e vështirë të pritet që Reali mund ta shesë atë, por United thuhet se është gati të ofrojë 130 milionë euro, të cilat mund ta zbusin Florentino Perez. /tesheshi.com/
