Deputeti i LSDM-së, Damjan Mançevski në një konferencë për media ka deklaruar sot se shumica në Kuvend shumë shpejt do të merr përgjegjësinë edhe për Kuvendin edhe për situatën në shtet, në përputhshmëri me principet e demokracisë. Sipas tij, më e rëndësishme është që të mos ketë konflikt mes qytetarëve.
Ai ka shtuar se në Maqedoni nuk beson se zgjedhjet e reja janë zgjidhje e krizës politike.
“Çka nëse na përsëriten rezultatet? Të njëjtët njerëz, të njëjtët numra, të njëjtët parti përsëri në këtë situatë, vetëm disa muaj më vonë, disa miliona euro më vonë, dhe shumë, shumë probleme shtesë për qytetarët më vonë. Absolutisht kjo nuk është zgjidhje. Duhet të lejohet transferim i qetë i pushtetit. Edhe një pyetje hipotetike. Çka edhe nëse në zgjedhjet e ardhshme VMRO-DPMNE do të do të numër të njëjtë ose më pak të deputetëve, thjesht Gjorge Ivanov vendos të mos e jep mandatin”, tha Damjan Mançevski, duke shtuar se duhet të respektohet ligji, Kushtetuta dhe demokracia, ku shumica e qytetarëve zgjedhin deputetë dhe shumica formon qeveri.
Nga ana tjetër, VMRO sërish është përbetuar se nuk do lejojë kursesi dygjuhësinë, pra përdorimin zyrtar të shqipes krahas maqedonishtes. /tesheshi.com/
