Barcelona duhet të “hapë sytë” mirë se “kapriçoja” e Mancester City-t për të blerë 300 milion euro Lionel Messin, po shndërrohet në realitet.
“Daily Record” njofton se ka patur një takim mes përfaqësuesve të klubit britanik dhe menaxherëve të Messit, madje duke theksuar se janë hedhur “në tryezë” kushtet e ofertës dhe pretendimet e argjentinasit.
Edhe pse e përmendin në background se Messi ka rënë parimisht për të rinovuar me Barcelonën, edhe për 4 vjet të tjera, me opsion shtyrje edhe për 1 vit, por mediat hedhin “shashkën” se kjo kontratë nuk është firmosur ende dhe se kontrata me “citizens” mund ta parakalojë atë me klubin katalan.
Sipas “Daily Record”, Mancester mund t’i ofrojë “Pleshtit” kontratë 5- vjeçare, më të mirë për nga termat financiarë dhe me opsion zgjatjeje.
Momentalisht një marrëveshje e Messit me Mancester City nuk është konfirmuar nga asnjë palë, por kështu u mbajt sekret edhe shitja e Neymar te PSG, e vetëm kur “plasi” një ditë të bukur.
Me ç’duket, nëse sheikët “e ndajnë mendjen”, e pamundura bëhet menjëherë opsionale. /tesheshi.com/
