Është vërtet e habitshme ajo që po ndodh me avionët qeveritarë gjermane, vendin e krenarisë së perfeksionit për gjëra që “ecin sahat”.
“Konrad Adenauer”, një prej avionëve të flotës së Berlinit zyrtar, përsëri ka pasur probleme teknike, e “viktimë”e tij ka qenë sërish ministri i Jashtëm Heiko Maas.
Pas katër muajsh “provë”, “Konrad Adenauer” kishte një problem me gomat gjatë uljes në aeroportin e Nju Jorkut.
Avioni ku ndodhej Maas, nuk mund të shkonte në pozicionin e parkimit.
Nga kjo, Maas humbi fillimin e një takimi jozyrtar të Këshillit të Sigurimit të Kombeve të Bashkuara.
Ai mbërriti në Nju Jork për të marrë përsipër presidencën e organit më të rëndësishëm të OKB-së, dhe për herë të parë pas shtatë vjetësh, kur Gjermania e mori përsipër këtë detyrë të rëndësishme.
Airbus A340, i cili po fluturonte, sapo ishte kthyer në piste pas disa ndërhyrjeve. Ishte po ky avion që në fund të nëntorit u defektua në qiell me kancelaren Merkel, e cila po shkonte në samitin e G20 në Buenos Aires.
Merkel u detyrua të ndalojë fluturimin dhe të nesërmen, me vonesë, të vazhdojë udhëtimin me një fluturim komercial.
Pas saj, në shkurt, Maas kishte një përvojë negative me një avion tjetër gjerman kur vizitoi vendet afrikane.
Për shkak të një defekti në avion, ai duhej të qëndronte në Bamako 20 orë më gjatë se sa ishte planifikuar. /tesheshi.com/
