Pasagjerët britanikë të një avioni që fluturonte nga Bodrumi në Turqi drejt Glasgow-t në Skoci, kaluan momente të ankthshme nga një idiot mes tyre, siç e cilësuan një bashkëpasagjer, i cili në jerm tentoi të hapte derën e avionit në fluturim.
Aeroplani Jet2, i mbushur me turistë, u detyrua të bënte një ulje emergjente në Bullgari mbrëmë. Policia në Sofje më pas hipi në aeroplan dhe e arrestoi atë.
Pasi vunë re se çfarë po bënte burri, pasagjerët e ulur pranë tij thuhet se e luftuan me guxim përpara se ekuipazhi të lajmërohej dhe avioni të ulej.
Pamjet tronditëse tregojnë burrin që kalamendet në korridorin mes sediljesh, teksa pasagjerët e zemëruar i bërtasin “plaç” dhe “idiot”.
Incidenti ndodhi rreth orës 22:00 BST gjatë fluturimit të natës LS124. Një pasagjer i tha MailOnline se ata përfundimisht u rikthyen në Glasgoë në orët e para të mëngjesit me familjen e tyre.
Pasagjeri, i cili nuk donte të emërohej, tha: “Një burrë që ishte shumë i dehur dhe ishte ulur në rreshtin e daljes së urgjencës u përpoq të hapte derën në mes të fluturimit”.
“Dukej sikur ai u zgjua dhe nuk e dinte se ku ishte,” tha një tjetër pasagjer.
“Ai u mbajt nga një grua që ishte vetëm dhe një burrë i moshuar në sediljen tjetër,” shtoi një tjetër.
“E kuptova se çfarë po ndodhte kur njerëzit filluan të bërtisnin. U ndjeva i frikësuar për jetën e fëmijëve të mi dhe sigurinë e të gjithëve në aeroplan”, tha pasagjeri. /tesheshi.com/
