Një aksident i rëndë ndodhi këtë të martë në aksin Elbasan – Librazhd, ku një automjet tip Benz, pasi përplasjes me një Ford, ra në ujrat e Shkumbinit. Për pasojë, u shënuar tre jetëhumbje
Elmi Keqa 53 vjeç, dhe Elona Keqa, 35 vjeç dhe Elis Sulmataj 18 vjeç kanë humbur jetën. Ndërkohë që Elisiado Keqa 10 vjeç dhe Ambra Halili 20 vjeç janë në gjendje të rëndë dhe janë dërguar në Spitalin e Traumës në Tiranë.
Të gjithë këta ishin pjesëtarë të një familjeje nga Kalimashi i Kukësit. Mësohet se ata ishin nisur drejt Korçës për një event familjar.
Aksidenti ndodhi në vendin e quajtur “Kthesat e Murrashit”, ndër njollat e zeza në akset nacionale të vendit, ku edhe më parë janë shënuar aksidente të rënda me pasoja fatale. /tesheshi.com/
