Kush ka jetuar në vitet ’80 ka pasur ëndërr të hipë në bordin e një supermakine të automatizuar, si në seritë e ndryshme televizive, ku makinat nuk kishin nevojë për drejtues.
Tani KITT nuk është më vetëm frut i imagjinatës. Apple i është afruar shumë iCar, e cila ka sfiduar Google për makinën pa drejtues. Sipas përshkrimeve të raportuara në Guardian, punimet e Cupertino për veturën që vozitet vet, janë shumë më të avancuara nga sa mendohet.
Në pritje të lançimit të iPhone të ri, i cili pritet të prezantohet në shtator, Apple është duke gjetur vende të reja dhe sekrete për të bërë testet e makinës se re, larg syve të kureshtarëve. Shumë shpejt makinat e Apple do të vizitojnë bazën navale të Go Momentum Station, një strukturë e vjetër e ndërtuar gjatë Luftës së Dytë Botërore, me mbi 30 kilometra rrugë./tesheshi.com/
