Kompania ruse Avtovaz po diskuton eksportin e mundshëm të makinave të saj Lada në Iran, si dhe pajisje për montimin e automjeteve.
Sipas drejtorit të kompanisë Maksim Sokolov, publiku do të marrë më shumë informacion pas kthimit të përfaqësuesit të Avtovaz-it nga Irani.
Sokolov, në takimin investues “Rusia po thërret”, njoftoi se Irani do të jetë një nga destinacionet e rëndësishme për eksportin e drejtpërdrejtë të makinave dhe pajisjeve. Ai tha gjithashtu se si do të montoheshin makinat në Iran.
Dërgesat e makinave në Iran mund të fillojnë vitin e ardhshëm.
Lada është makina simbol ruse, e cila ka patur dikur si treg dhe vendet e Ballkanit.
Madje dhe në Shqipërnë e pas ’90-ës, Lada shihej rëndom në rrugët e Shqipërisë në nisje të epokës së makinave private, krahas makinave të para nga Perëndimi, siç Fiat Regata, Fiat 131, Opel Ascona apo Opel Kadet, Fort Taunus, disa variante Renault etj., deri kur ia behu fuqishëm Mercedezi 240 në mesin e atyre viteve për të qenë mbret i rrugëve shqiptare deri sot e kësaj dite. /tesheshi.com/
