Përfaqësuesja më e denjë e sportit në Kosovë, xhudistja Malinda Kelmendi, ka folur pas fitores së saj të artë në Lojërat Evropiane 2019 që u mbajtën në Minsk të Bjellorusisë.
Ajo kujton fillet e dashurisë së saj për xhudo, e cila kishte nisur në qytetin e saj të lindjes në Pejë, në moshën 8 vjeçare.
Para gazetarëve në Minsk, ajo tregoi edhe çelësin e suksesit.
“E nisa këtë rrugë në qytetin tim të vogël, por tani jam më e mira në botë. Nëse dëshironi të arrini diçka, ju duhet të punoni shumë dhe të besoni. Unë kam besuar në vetvete. Kjo është ajo që kam bërë për veten time dhe vendin tim, dhe falë kësaj sot jam këtu ku jam”, tha xhudistja kampione pas triumfit në Minks.
Kampionia olimpike ia solli Kosovës medaljen e parë të artë në Lojërat Evropiane, të shtunën në Lojërat Evropiane Minks 2019 në Bjellorusi.
Majlinda është fituese e medaljes së artë në Lojërat Olimpike Rio 2016, dy herë kampione e botës, katër herë kampione evropiane dhe fituese e medaljeve të tjera të shumta që gjithmonë ia ka dedikuar Kosovës./tesheshi.com/
