7 vite ministre e Integrimit, zonja e PD-së po merr rolin e një kryenegociatoreje mbi palët për hapjen e negociatave
T’i kushtosh 7 vite një çështje të përcakton atë që je dhe atë që bën në jetën tënde. Kjo ka ndodhur dhe me Majlinda Bregun, një ish-gazetare dhe pedagoge e psikologjisë, pas 7 viteve qëndrimi në detyrën e Ministres së Integrimit të Shqipërisë në Bashkimin Europian. Edhe pse ka ikur nga ajo zyrë prej afro 4 vitesh, çështjet e integrimit e kanë përcaktuar rrugëtimin e saj të mëpasshëm deri në atë pikë sa flitet se sëshpejti do t’i caktohet një rol zyrtar nga BE si kryenegociatorepër hapjen e negociatave.
Ajo vetë nuk e mohon një gjë të tillë në një intervistë të dhënë të shtunën në gazetën Mapo ku shprehet; “Unë kam 10 vjet që negocioj me BE! Kjo ik e JA në Europë, vulosi edhe fatin tim politik. Pse jo mbase jashtë rryme, por vazhdon të mbetet pasioni im politik. Ju pëlqen apo jo kjo papagajve të politikës a figurantëve politikë, pak rëndësi ka për mua. Ka 10 vjet që ndjek atë që besoj dhe nuk kam asnjë tundim për të yshtur më tej trallisjen politike të askujt”.
Por ajo nuk po e pret këtë duke shpresuar. Duke i paraprirë një roli të tillë (…dhe duke lënë në hije pasardhësen e saj, Klajda Gjosha, e cila gëzon sharmin e ministres, por jo edhe protagonizmin e saj), Bregu propozoi në media një Pakt Kombëtar për Integrimin. Propozimi erdhi një ditë para vendimit të KE për çeljen e negociatave me Shqipërinë;
“Nesër Këshilli i Evropës do të vendosë për çeljen e negociatave me Bashkimin Evropian. Unë nuk kam menduar asnjëherë se Shqipëria do të kishte një datë për çeljen e negociatave dhe kjo nuk ndodh vetëm për fajin tonë. Ama për fajin tonë rrezikon që të shtyhet akoma. Ky është i vetmi proces ku besoj se ka ardhur koha që të kemi një qëndrim unanim kombëtar, një kompromis historik ku të bëjmë gati vizionin në lidhje me këtë proces edhe për 10 vitet që vijnë. Me gjithë respektin tim ndaj BE-së, shqiptarët kanë humbur jo pak kohë.”
Bregu i ka kushtuar rrugëtimit të saj të gjatë me çështjen e Integrimit dhe një libër të titulluar “Ik e Eja Europë” ku përshkruan punën si ministre në gërshetim me jetën së saj që nga fëmijëria, si një llojparashikimi i destinittë lidhjes së gjatë me Integrimin.
Të thuash dhe të veprosh
Nëse politika është më shumë “të thuash” se sa “të bësh”, Bregu ndoshta dhe me elokuencën e ish-gazetares që vazhdon të qëndrojë brenda kostumit të saj prej politikaneje, jo vetëm thotë, por dhe vepron.
Majlinda Bregu ka mbajtur koston politike të të dalurit kundër linjës dhe qëndrimeve të momentit të partisë ku militon për t’i qëndruar besnike çdo “Po”-je që kërkon rruga e integrimit. Rasti i fundit ishte vota e saj “pro” rezolutës së Parlamentit Europian për hapjen e negociatave me Shqipërinë në një kohë kur kolegët e saj të PD-së votuan kundër.
Por jo vetëm investimi në çështjen e Integrimit e nxjerr në fushë-betejë Majlindën. Ajo ka tërhequr vëmendjen dhe për një tjetër aksion të saj publik. Javët e fundit ka qenë një nga zërat më të fortë dhe i vetmi zë konkret i politikës nëçështjen e dhunës ndaj grave.Vrasja e një gruaje të Fier nga bashkëshorti i saj ndërkohë që ajo kishte kërkuar mbrojtje nga gjykata e ngriti Majlindën nhga karrigia e rehatshme e Kuvendit dhe e çoi në Fier, ku akuzoi gjyqtarin për paaftësi. Ajo lëvizi Ministrinë e Drejtësisë dhe Presidencën me kërkesat e saj publike ndaj kësaj çështje dhe bëri publike disa raste të tjera të grave që nuk ishin mbrojtur nga gjykatat. /tesheshi.com/
