Majlinda Bregu, e njohur si një ndër kundërshtaret më të ashpra të kreut Basha në radhët e PD-së, është shprehur kategorikisht kundër një aleance me LSI-në e Metës, si një rrugë për të riardhur në pushtet.
E ftuar në emisionin “Oktapod” në Vizion Plus, Bregu artikuloi tezën populiste të një “aleance të PD-së me popullin”, që gjithashtu artikulohej fort dikur edhe nga Edi Rama në opozitë, para se të riafrohej me Metën dhe të bënte aleancën të ashtëquajtur “strategjike” me të.
Për deputeten Bregu, aleanca që PD bëri me LSI-në në mandatin e dytë të qeverisjes, e bjerri rëndë partinë e saj deri në humbjen e pushtetit. Bregu tha se PD ka nevojë të rigjejë veten si një parti e djathtë, edhe pse siç tha ajo aleancat had hoc janë sot një trend në politikë.
Dhe ndryshe nga narrativa e lidershpit të PD-së, që e ka hequr Metën nga akuzat adresuar mazhorancës duke u përqëndruar vetëm tek figura e Ramës, zonja Bregu tha se qeveria duhet parë si e të dyve dhe që duhet të bjerë me të dy e jo vetëm me njërin.
Nga ana tjetër, ajo u tregua kritike po ashtu me lidershipin e partisë së saj që shkaqet e humbjeve të njëpasnjëshme elektorale, siç qe dhe e ajo e Dibrës së fundi, i zhvendosin jashtë vetes duke gjetur si arsye “drogën e kundërshtarit” /tesheshi.com/
