Ballkani Perëndimor në vitet e fundit ka pasur progres dhe një opinion pozitiv ekonomik, por me normën aktuale të rritjes duhen 50 vjet për të arritur standardet gjermane të jetesës – tha Sekretarja e Përgjithshme e Këshillit të Bashkëpunimit Rajonal (RCC), Majlinda Bregu.
Në një takim të mërkurën në Bruksel, organizuar nga RCC, në bashkëpunim me zyrën e Fondacionit “Friedrich Ebert” (FES) për Bashkimin Evropian, tema kryesore ishte rritja e qëndrueshme ekonomike dhe zhvillimi i vendeve të Ballkanit Perëndimor.
Në takim morën pjesë përfaqësues të shumtë të institucioneve evropiane, misionet diplomatike, qendrat analitike, organizatat joqeveritare dhe ato të biznesit, ku u trajtuan tema si varfëria në rajon, pabarazia, rrjedhja trurit e fuqisë punëtore etj.
“Udhëheqësit e vendeve të Ballkanit Perëndimor duhet të jenë të angazhuar për forcimin e bashkëpunimit rajonal. Është përgjegjësi tyre që të jenë pjesëmarrës aktivë në planifikimin e një të ardhmeje të përbashkët të Evropës dhe rajonit”, tha Bregu.
Në veçanti, në konferencë u fol për përdorimin e ndryshëm të investimeve të huaja direkte, nevojën për zhvillimin e politikave kombëtare dhe rajonale, si dhe nevojën për të rishikuar instrumentet e politikës monetare dhe fiskale. /tesheshi.com/
