Është futur më në fund nën çadrën e protestës dhe deputetja Majlinda Bregu, një kundërshtarë e flaktë e Bashës, e cila këto ditë ka qenë në SHBA.
Qëndrimi i saj atje ishte marrë dhe si një zgjidhje për të mos qenë në një strehë me lidershipin e partisë së saj të me të cilën ajo ka kundërshti për llojin e politikës që ndjek.
Por pas kthimit nga përtej Atlantikut, ajo i është bashkuar kauzës demokrate, duke gjetur një mesme të artë mes solidaritetit partiak dhe mosdakortësisë po partiake, me potencimin e faktit se është kundër bojkotit të zgjedhjeve
“Sapo jam kthyer nga SHBA në një aktivitet ku kam marrë pjesë. Protesta e opozitës është aseti më i vyer i opozitës. Protesta e opozitës është paqësore dhe jo si 21 janari. Mbështes maksimalisht kauzën e opozitës për zgjedhje të lira dhe të ndershme. Jam kundër bojkotit të zgjedhjeve”, është shprehur Bregu.
Tashmë, i mbetur jashtë është vetëm Eduart Selami, që deri më tani as që është dukur në çadër e as është ndjerë. Porsi znj.Bregu, edhe Selami është ndër kundërshtarët e Bashës brenda partisë. /tesheshi.com/
