Gjykata e Lartë e Apelit në Tiranë ka dënuar sot gjyqtaren Majlinda Andrea dhe bashkëshortin e saj të akuzuar për korrupsion, respektivisht me 3 vite shërbim prove dhe 1 vit burg.
Ky vendim është i pari i këtij lloji në drejtësinë shqiptare të paktën në këto 10 vitet e fundit.
Trupa gjykuese e gjeti fajtore gjyqtaren dhe e ka dënuar me katër vjet burg, dënim ky që është konvertuar në 3 vjet shërbim prove edhe pse akuza kishte kërkuar 4 vite burg. Gjithashtu i ka hequr gjyqtares Andrea të drejtën e ushtrimit të detyrës si gjyqtare për 5 vjet.
Bashkëshorti isaj, Odhise Andrea, i cili ishte i përfshirë në këtë rast korruopsioni mori një vit burg edhe pse prokuroria kishte kërkuar një dënim me të paktën 5 vite burg.
Gjykata dënoi edhe sekserët e rastit korruptiv ku ishte përfshirë gjyqtarja. Ajo vendosi 1.6 vite burg për Petraq Gashin, Ilia Cabirin 1.6 vite burg dhe Eleni Lino 1 vit burg.
Ky është një vendim i formës së prerë, pa të drejtë apelimi.
Besohet se gjyqtarja në bashkëpunim ka përfituar shumën e 50 mijë eurove për një vendim gjyqi.
Ky është rasti i parë kur një trupë gjykuese dënon një koleg.
Sistemi gjyqësor në Shqipëri perceptohet si një ndër më të korruptuarit në vend. Sipas raporteve të Transparency International, 80 për qind e shqiptarëve besojnë se gjyqtarët janë zyrtarët më të korruptuar në vend.
Kallëzimet penale në drejtim të gjyqtarëve, kryesisht të bëra nga ILDKP për fshehje të pasurisë kanë përfunduar pa gjykim.
Inspektorati i Lartë i Deklarimit dhe Kontrollit të Pasurive ka dërguar për ndjekje penale 10 gjyqtarë dhe prokuroria ka bërë pushim të çështjes pa i nxjerrë asnjëherë në gjykatë. /tesheshi.com/
