Qesharake dhe të vonuar e ka cilësuar ministri i Shtetit për Diasporën, sjelljen dhe marrëdhënien e shtetit shqiptar ndaj shqiptarëve që jetojnë dhe punojnë në vende të ndryshme të Botës.
Në fjalën e mbajtur para Asamblesë së PS-së, Majko u ndal te përfshirjha e emigrantëve në proçesin e votimit përmes sistemit elektronik, ku theksoi se kjo nuk do të mund të realizohet pa opozitën.
“Jemi shumë shumë vonë në marrëdhëniet me diasporën. E kuptueshme që marrëdhënia me diasporën dhe migracionin që pas asaj që kemi deklaruar për t’i dhënë mundësinë e votimit përmes sistemit elektronik mbetet një sfidë, e cila do të mund të realizohet vetëm duke u bërë palë me opozitën. Pork jo është njëra anë.
Ana tjetër është ndërtimi i një strukture të re të politikës shtetërore, duke nisur nga ajo që është ngritja e nënkomisionit për çështjet e diasporës, e shumë shpejt do të krijohet Komiteti Shtetëror që do të drejtohet nga kryeministri”, tha Majko. /tesheshi.com/
