Ministri i Shtetit për Diasporën, Pandeli Majko, ka përdorur ironinë kur ka folur për skandalin e lobimit rus ku është akuzuar Partia Demokratike.
Majko duke thënë se nuk ishte dakord me tonin që përdorte Taulant Balla, revokoi historinë e vjetër të lidhjeve të PPSH-së së Enver Hoxhët me sovjetikët në vitet 50-60.
“Mirë do ishte të na pyesnit ne për rusët se kemi ca eksperienca të vjetra. Atëherë u bë edhe një film ‘Ballë për Ballë’, por nëse do bëhej tani do të quhet “Lule ti lule unë dil këtej se kam pak punë”, tha Majko, fjalimi i të cilit shkaktoi të qeshura në sallë. /tesheshi.com/
