Presidenti palestinez Mahmud Abas do t’i kërkojë Bashkimit Europian të njohë zyrtarisht shtetin e Palestinës, gjatë një vizite që do të zhvillojë sot në Bruksel.
Shefi i diplomacisë së Palestinës, Riyad Al-Maliki, në një intervistë për AFP-në deklaroi se “Abu Mazen pret që ministrat e Jashtëm të BE-së të njohin Palestinën në mënyrë kolektive”.
Abu Mazen(nofka e Mahmud Abas), do të takohet sot me numrin dy të BE-së, Federica Mogherini dhe 28 ministrat e Jashtëm të Europës, në kuadër të mbledhjes së tyre mujore që zhvillohet në Bruksel.
Kryeministri izraelit Beniamin Netanyahu zhvilloi muajin e shkuar të njëjtin takim siç po e bën sot presidenti i Palestinës.
“Nëse europianët duan të kenë një rol, atëherë duhet të jenë të ekuilibruar në trajtimin e dy palëve në mënyrë të paanshme”, deklaroi Abas. /tesheshi.com/
