Qeveria e Malajzisë ka ndaluar ardhjen e atletëve nga Izraeli në Kampionatin Botëror – FINA për atletët Paraolimpikë.
Të hënën, Komiteti Ndërkombëtar Paraolimpik, në një sesion në Londër, e hoqi Malajzinë si organizator të konkursit, i cili do të mbahej në korrik.
Si reagim, shefi i ëeverisë së Malajzisë në blogun e vet botoi një artikull me titull “Shtet gjenocidal”, e cila është një lloj përgjigje ndaj kritikëve të vendimit të tij për mospërfshirjen e atletëve izraelitë në kompeticionin e planifikuar.
“Izraeli u themelua në një pjesë të tokës palestineze, pa mbajtjen e një referendumit apo pa gjedhjeve. Palestinezët u dëbuan nga shtëpitë dhe tokat e tyre pa ndonjë kompensim”, kujton Mahathir.
Kryeministri malajzian më tej ka shkruar se e tërë bota ka dëshmuar heqjen e të drejtave të palestinezëve nga ana e Izraelit, por në gjykimin e tij, avokatët më të mëdhenj të sundimit të ligjit nuk guxojnë ta kritikojnë Izraelin, e madje dhe e favorizojnë atë.
“Kushdo që kritikon Izraelin shpallet armik i hebrenjve. Malajzia nuk është një vend anti-semit, sepse dhe arabët janë gjithashtu me origjinë semite. Ne kemi të drejtë të kritikojnë dhe dënojnë praktikat çnjerëzore, të pamoralshme dhe të paligjshme”, tha Mahathir.
Ai theksoi gjithashtu se autoritetet amerikane ndaluan hyrjen e shtetasve nga shtatë vende muslimane, ndërsa Hungaria dhe Polonia kanë ndaluar pranimin e emigrantëve muslimanë.
“Edhe ne kemi të drejtën të mos lejojë hyrjen e shtetasve të Izraelit. Izraeli është një vend që meriton të dënohet”, tha Mahathir. /tesheshi.com/
