Presidenti venezuelas Nikolas Maduro ka thënë se ndërprerja e marrëdhënieve diplomatike dhe politike të vendit të tij me Shtetet e Bashkuara nuk do të ndikojë në shitjen e naftës në atë vend.
I pyetur nëse vendi i tij do të vazhdojë të shesë naftë në Shtetet e Bashkuara, Maduro tha se do të vazhdojë shitjen nëse amerikanët dëshirojnë ta blejnë atë.
“Ne ndalëm marrëdhëniet diplomatike dhe politike me qeverinë amerikane, por ne do të vazhdojmë marrëdhëniet tona me ta në zona të tjera, nëse duan të blejnë patate, ne do t’i shesim patate, nëse duan naftë, do të kenë naftë”, tha Maduro.
Deklarimet e tij u bënë në një kohë kur vendi është përfshirë në trazira që Maduro i quan dhe si grusht shteti.
Opozita në Venezuelë nuk e njeh fuqinë e presidentit Maduro dhe udhëheqësi saj Juan Guaido është shpallur president i përkohshëm, i njohur si i tillë nga SHBA, Kanadaja shumë vende të Amrikës Qendrore dhe asaj Jugore, si dhe vende të BE-së.
Maduro argumenton se pas gjithë kësaj qëndrojnë SHBA. /tesheshi.com/
