Presidenti i Venezuelës Nicolas Maduro tha se ai ishte i gatshëm “për të arritur një marrëveshje” me opozitën, pavarësisht ngrirjes së negociatave tre ditë më parë.
“Unë besoj në dialogun politik, shoqëror dhe ekonomik sepse besoj te fjala”, tha Maduro në një tubim në Caracas.
Maduro shprehu gatishmërinë e tij për “dialog, marrëveshje, por me respekt për Venezuelën”.
Tre ditë më parë, Maduro anuloi pjesëmarrjen e delegacionit qeveritar në negociata me përfaqësuesit e opozitës në Barbados, të cilët kërkuan sanksione të reja amerikane në përpjekje për të zgjidhur krizën politike të vendit.
Venezuela ka muaj që po kalon një krizë të thellë politike, e cila ka në sfond përplasjen mes presidentit Nicolas Maduro dhe liderit të opozitës Juan Guaido. Ky i fundit e ka deklaruar veten president të përkohshëm dhe është njohur nga afër 50 vende, përfshirë Shtetet e Bashkuara.
Vendi është goditur gjithashtu nga një krizë e rëndë ekonomike, e përkeqësuar nga sanksionet financiare të SHBA të vendosura në përpjekje për të rrëzuar Maduron. /tesheshi.com/
