Madridi ka bërë hapin e parë kushtetues për t’i zënë udhë jetësimit të pavarësisë së Katalonajs, shpallur në mënyrë të njëanshme tre ditë më parë. Qeveria qëndrore ka bërë emërimet e ministrave të Katalonjës, ku sipas dekretit të publikuar në “Gazetën zyrtare” thuhet se në vend të presidentit të qeverisë rajonale të Katalonjës, Carles Puigdemont dhe të zv/presidentit Oriol Junqueras është emëruar zv/kryeministrja e Spanjës, Soraya Saenz de Santamaria.
Në një deklaratë të saj, qeveria spanjolle e kryeminsitri Rajoy, tha se parashikohet që postet e reja të dorëzohen pas qeverisë së re e cila do të dalë nga zgjedhjeve të parakohshme lokale në Katalonjë, të cilat do të mbahen më 21 dhjetor.
Paralel me këtë zhvillim, është dhe inisiativa e Kryeprokuroritë Spanjës i cili ka paralajmëruar ngritjen e një padie penale në Gjykatën e Lartë ndaj strumbullarit të të gjithë kësaj situate, Puigdemontit, por dhe anëtarëve të tjerë të qeverisë, anëtarëve të këshillit të parlamentit lokal dhe për ata të cilët kanë votuar “pro” gjatë shpalljes së njëanshme të pavarësisë, gjithnjë me pretendim e mështetur në Kushtetutë se gjithë çfarë ka ndodhur është “kryengritje kundër shtetit”.
Sipas asaj çfarë shkruajnë mediat spanjolle, politikanët separatistë të Katalonjës mund të dënohen me burg deri në 30 vite. /tesheshi.com/
