Disa mijëra njerëz protestuan në Madrid kundër projektligjit të qeverisë socialiste spanjolle, i cili synon të lehtësojë aksesin në spitalet publike për gratë që duan të abortojnë.
Të grumbulluarit mbanin postera me mbishkrimin “Aborti nuk është i drejtë”, ndërsa disa thërrisnin “Ta respektojmë më shumë jetën”.
Protesta u organizua nga platforma “Po Jetës”, e cila vlerësoi se kishte mbledhur 20 mijë persona, ndërsa autoritetet deklaruan shifrën prej 9 mijë personash.
Qeveria e kryeministrit Pedro Sanchez mbështet miratimin e një ligji të ri që synon lehtësimin e aksesit në spitalet publike për të gjitha gratë që duan të abortojnë – përfshirë të miturat e moshës 16 dhe 17 vjeç.
Projektligji parashikon edhe ndëshkimin e tubimeve kundër abortit para spitaleve, me vlerësimin se ato janë shqetësuese.
Ligji i parë për ndërprerjen e shtatzënisë për arsye shëndetësore u miratua në vitin 1985. Deri atëherë, gratë shkonin kryesisht në Londër dhe Amsterdam për të kryer abort.
Spanja, me një traditë të fortë katolike, legalizoi abortin vetëm në vitin 2010 pa justifikim mjekësor deri në javën e 14-të të shtatzënisë dhe deri në 24 javë në rastin e sëmundjes së rëndë të fetusit.
E djathta, në pushtet që nga viti 2011, e donte ligjin e 1985-ës në vitin 2015, por hoqi dorë për shkak të pakënaqësisë së qytetarëve.
Megjithatë, nga viti 2010 ka miratuar ndryshime në ligjin ekzistues, sipas të cilit të miturit janë të detyruar të kenë pëlqimin e prindërve për abort. /tesheshi.com/
