Ministri i Brendshëm italian Matteo Salvini, ka lëshuar një tjetër deklaratë kontraversale, gjithnjë kur është fjala për emigrantët. Ai i është drejtuar me nje mesazh presidentit francez Emmanuel Macron, duke thënë se nëse ai mendon se nuk ka krizë emigrimi, le të hapë shtëpinë e tij për refugjatët dhe emigrantët.
Ka qenë ky një reagim Salvinit ndaj deklaratës së Macron nga Roma, ku u takua me Papa Françeskun, se nuk kishte krizë emigrimi.
“Nëse është kështu, Macron le të hapë shtëpinë e saj për 9,000 emigrantë, siç Franca premtoi të marrë nga Italia në përputhje me marrëveshjet e BE-së”, theksoi Salvini, duke e thelluar kështu dhe më tej krizën Romë – Paris me në sfond fluksin e emigrantëve dhe refugjatëve nga Lindja, por më së shumti nga Afrika.
Salvini ka vijuar me tej me gjuhën e tij fshikulluese ndaj kreut të Elizesë, ku, duke iu referuar refuzimit të Francës për të lejuar migrantët që të kalojnë kufirin me Italinë, tha:
“Është shumë e lehtë për t’u fotografuar me Papën pa respektuar marrëveshjen dhe duke kthyer gratë dhe fëmijët në kufij”.
“Arroganca franceze nuk është më në modë në Itali”, shtoi Salvini.
Macron ishte në një vizitë private të Papa Françeskut të martën dhe takimi u zhvillua në një kohë tensionesh në Evropë lidhur me refugjatët dhe emigrantët. /tesheshi.com/
