Presidenti francez Emmanuel Macron u ka dhënë një shuplakë të fundit vendeve ballkanike që kanë aspirata për t’u futur në familjen e madhe evropiane.
Macron ka ritheksuar se po angazhohet për të bllokuar çdo zgjerim të BE-së, duke thënë se nuk do ta lejoj atë pa u kryer reformat e thella brenda BE-së.
Ndërkohë, Shqipëria dhe Maqedonia e Veriut presin që në tetor të marrin lejen për hapjen e negociatave me Bashkimin Evropian.
Pas samitit të zhvilluar në Bruksel, Macron tha se “do të refuzojë çdo lloj zgjerimi përpara se të arrihet një reformim i thellë funksionimit institucional.”
BE ka mbetur e funksionalizuar pas zgjedhjeve të Parlamentit Evropian, pasi drejtuesit e 28 shteteve anëtare nuk po arrijnë të zgjedhin liderët që do të shërbejnë për pesë vitet e ardhshme.
Franca dhe Holanda janë dy shtetet që po bllokojnë hapjen e negociatave për Tiranën dhe Shkupin, ndërkohë që Gjermania është shprehur në favor të tyre. /tesheshi.com/
