Presidenti francez Emmanuel Macron po konsideron heqjen e Presidentit rus Vladimir Putin nga Legjioni i Nderit që iu dha liderit rus nga Zhak Shirak në vitin 2006.
Është më e larta që mund t’i jepet në Francë, qoftë një qytetari ose një personi me uniformë, krijuar në 1802 nga Napoleoni.
Siç vë në dukje BBC, Macron po pret “momentin e duhur” për të hequr titullin.
Duke folur pas vizitës së Zelensky-t në Paris dhe pyetjes së tij, Macron tha se çështja “është simbolike, por e rëndësishme”. Por ai sqaroi se është një vendim që “nuk do ta marr sot”.
Gati dy dekada më parë, marrëdhëniet mes dy vendeve ishin dukshëm më të mira. Pas pushtimit të Ukrainës nga Rusia, Macron u përpoq të mbante të hapur një kanal komunikimi me Putinin, por tani komunikimet e tyre praktikisht janë ndërprerë.
Presidenti i Sirisë, Bashar al-Assad, gjithashtu u përfshi në Legjionin e Nderit në vitin 2001 (gjithashtu nga Shirak), menjëherë pas vdekjes së babait të tij Hafez al-Assad. Medalja u kthye në vitin 2018, me Sirinë duke shpjeguar se Assad nuk dëshiron që një “skllav i SHBA” të japë çmimin. /tesheshi.com/
