Presidenti francez Emmanuel Macron tha se ai po përshpejtonte daljen e Francës nga bllokada e shkaktuar nga virusi koronar, duke vlerësuar se kriza kishte forcuar nevojën e vendit për një pavarësi më të madhe ekonomike.
Në një fjalim televiziv drejtuar kombit, Macron gjithashtu premtoi se kostoja prej 500 miliardë eurosh në subvencione ndaj kompanive gjatë krizës më të rëndë që nga Lufta e Dytë Botërore nuk do të paguhet nga qytetarët përmes taksave më të larta, raporton Reuters.
Restorantet dhe kafenetë në Paris do të lejohen të rihapen nga sot, tha ai, në të njëjtën ditë që Franca heq kufizimet kufitare për qytetarët e BE.
Kriza e shkaktuar nga pandemia koronaRE ka zbuluar se sa varet Franca dhe pjesa tjetër e Evropës nga zinxhirët e furnizimit me Kinën dhe vendet e tjera, nga telefonat celularë deri automjetet, shkruan Reuters.
“Kjo torturë ka zbuluar mangësi dhe dobësi: varësia jonë nga kontinentet e tjera për të marrë disa mallra,” tha presidenti francez në një fjalim televiziv drejtuar kombit.
“Ky letë jetë një mësim për ne”, tha Macron.
Sipas tij, e vetmja përgjigje është ndërtimi i një modeli të ri, më të fortë ekonomik, më shumë punë dhe prodhim në mënyrë që “ata të mos mbështeten te të tjerët”.
Macron gjithashtu preku protestat racore që trondisin botën, duke thënë se ngjyra e lëkurës shpesh zvogëlon mundësinë e përparimit në Francë dhe që zotohet të luftojë diskriminimin. /tesheshi.com/
