Presidenti francez Emmanuel Macron paralajmëroi francezët të mërkurën për një “ndryshim të madh” që do të sjellë “fundin e bollëkut” dhe “pakujdesisë”.
“Po përjetojmë një ndryshim të madh”, paralajmëroi kreu i shtetit, duke iu referuar serisë së fundit të “krizave serioze”, nga Ukraina te thatësira, duke folur në fillim të seancës së qeverisë.
“Mund të duket se momenti në të cilin jetojmë është i strukturuar nga një sërë krizash serioze (…) dhe mund të ndodhë që disa e shohin fatin tonë si një menaxhim të vazhdueshëm të krizave ose emergjencave. Sa për mua, besoj se kjo që po kalojmë është më shumë një ndryshim i madh apo një përmbysje e madhe”, tha Emmanuel Macron gjatë fjalimit të tij para ministrave, i cili këtë herë u transmetua në mënyrë të jashtëzakonshme.
Për këtë situatë, “bashkatdhetarët tanë mund të reagojnë me ankth të madh”, tha Macron dhe për këtë arsye u bëri thirrje anëtarëve të qeverisë që, siç raporton agjencia AFP, “të emërtojnë gjërat shumë qartë dhe pa katastrofuar”.
Pres që qeveria të respektojë fjalën e dhënë dhe angazhimet që i kemi bërë kombit”, shtoi Macron.
Presidenti u bëri thirrje ministrave të tij që të mos i nënshtrohen demagogjisë dhe të jenë seriozë dhe të besueshëm.
“Gjithmonë mund të duket tërheqëse të thuash atë që njerëzit duan të dëgjojnë (…), por së pari duhet të pyesësh veten nëse është efektive dhe e dobishme,” shtoi ai. /tesheshi.com/
