Presidenti francez Emmanuel Macron tha se Ukraina duhet të jetë “realiste” kur bëhet fjalë për çështjet territoriale në çdo negociatë të ardhshme për përfundimin e luftës me Rusinë.
“Ukrainasit duhet të kenë diskutime realiste për çështjet territoriale”, tha Macron në një takim me ambasadorët francezë të hënën.
Kievi ka thënë prej kohësh publikisht se synon të kthejë të gjithë territorin që Rusia ka kapur ndër vite.
“Nuk do të ketë zgjidhje të shpejtë apo të lehtë në Ukrainë”, tha Macron.
Shtetet e Bashkuara duhet të ndihmojnë evropianët të bindin Rusinë të vijë në tryezën e bisedimeve, shtoi ai.
Presidenti i sapozgjedhur i SHBA-së, Donald Trump, i cili merr detyrën më 20 janar, tha se dëshiron t’i japë fund luftës ruse në Ukrainë sa më shpejt të jetë e mundur. /tesheshi.com/
