Këshilli Islam i Francës (CFCM) të martën në mbrëmje ka organizuar një iftar tradicional në Paris, u ishin nga një numër i madh politikanësh dhe zyrtarësh francezë, në mesin e të cilëve ishte edhe presidenti i vendit, Emmanuel Macron dhe Ministri i Brendshëm, Gérard Collomb.
Pas një pauze prej dhjetë vitesh, Macron është presidenti i parë francez i cili mori pjesë në iftar të organizar nga CFCM.
Presidenti i fundit që kishte marrë pjesë për iftar ishte Nicolas Sarkozy, para saktësisht një dekade.
Në iftarin e organizuar në Paris morrën pjesë udhëheqës fetarë në Francë, si dhe përfaqësues të misioneve diplomatike të shumë vendeve.
Duke iu drejtuar të pranishmëve, presidenti francez theksoi se Islami dhe muslimanët janë gjithashtu viktima të terrorizmit, i cili kërkon të shkaktojë plagë të thella në marrëdhëniet ndërmjet muslimanëve dhe pjesëtarëve të grupeve të tjera fetare.
Ai shtoi se CFCM po jep përgjigje të mirë duke avokuar unitet dhe solidaritet, ndërkohë që iftari në qendër të Parisit u vlerësua shembull i shkëlqyer për këtë.
“Në Francë nuk ka koncept të tillë si muslimanë në njërën anë dhe francezë në anën tjetër, por si një tërësi janë të lirë dhe të barabartë. Muslimanët kanë të drejtë për të jetuar të lirë dhe për të kryer obligimet e tyre fetare. Institucionet franceze janë të obliguara për t’ua siguruar këtë”, tha Macron.
Presidenti i CFCM-së, Anouar Kbibech falënderoi presidentin Macron dhe zyrtarët e tjerë të lartë për pjesëmarrje në iftar, dhe tha se muslimanët dënojnë terrorizmin dhe se sulmet terroriste nuk kanë të bëjnë me çfarëdo feje dhe vlerash. /tesheshi.com/
