Presidenti francez Emmanuel Macron u përcolli qytetarëve të Maqedonisë një video-mesazh, i gjithi kushtuar referendumit të pritshëm të javës së ardhshme, ku do të votohet marrëveshja me Greqinë për emrin e ri.
“25 vjet më parë, dy vendet tona vendosën marrëdhënie diplomatike. 25 vjet histori e përbashkët që lidh fatin e mes popujve tanë, rrënjosura thellë për shekuj me radhë”, deklaroi Macron, duke zgjedhur kështu fjalë sa më mikluese për votuesin maqedonas që t’i thotë “Po” emrit të ri, një rezultat për të cilin Perëndimi po investohet në mënyrë të paprecedent.
“Bëhuni (Republika) Maqedonia Veriore, në përputhje me marrëveshjen. Besoj fuqishëm se kjo marrëveshje është e mirë për ju, për rajonin dhe për Evropën”, tha Macron.
Ai tha se “shumë gjëra janë bërë në vitet e fundit, por që është hapi më i madh përpara është hedhur më 17 qershor, kur, në sajë të guximit të liderëve të Maqedonisë dhe Greqisë, u arrit një marrëveshje duke i dhënë fund një konflikt 27-vjeçar”.
Ai tha se nuk mund të vendoset në pozitën e qytetarëve të Maqedonisë, por që ata duhet të vendosin vetë. /tesheshi.com/
