Presidenti francez Emmanuel Macron do të presë homologun e tij rus Vladimir Putin në një takim të rrallë përpara fillimit të samitit të G7 në Biarritz.
Macron shpreson të bindë Rusinë për t’i dhënë fund konfliktit në lindje të Ukrainës. Presidenti francez beson se ardhja e Volodymyr Zelensky si president i Ukrainës mund të jetë fillimi i një epoke të re mes dy vendeve.
Putin dhe Macron do të takohen në rezidencën zyrtare të presidentit francez në Bregancon, në Francën e Jugut, disa ditë para se të presë liderët botërorë.
Rusia u nxor nga G8 në 2014 pasi pushtoi territorin e Krimesë që ishte pjesë e Ukrainës.
Që nga viti 2014, rreth 13,000 njerëz janë vrarë në luftën midis forcave të Ukrainës dhe separatistëve të mbështetur nga Rusia mbi provincat Donetsk dhe Lugansk të lindjes të vendit. /tesheshi.com/
