Një rend botëror bipolar do të ishte një gabim i madh, tha të premten presidenti francez Emmanuel Macron.
Duke folur në prag të konferencës së Bashkëpunimit Ekonomik Azi-Paqësor (APEC), Macron tha se një botë e tillë, edhe pse e dëshiruar nga shumëkush, do të ishte një gabim edhe nëse dy superfuqitë do të ishin Shtetet e Bashkuara të Amerikës dhe Kina.
Macron e ka pozicionuar Francën si një akt balancues në një rajon të dominuar prej kohësh nga lufta midis superfuqive Uashington dhe Pekin.
Tensionet janë përshkallëzuar ndjeshëm midis Uashingtonit dhe Pekinit në vitet e fundit për një numër mosmarrëveshjesh, duke përfshirë të ardhmen e Tajvanit të vetëqeverisur, të drejtat e njeriut dhe tregtinë.
“Ne nuk besojmë në hegjemoninë apo konfrontim. Ne besojmë në stabilitet,” tha Macron.
Një botë bioplare është ajo që do Rusia, e cila madje për këtë ka nisur dhe një luftë, por Macron nuk e përfshiu Rusinë në qëndrimet e tij, duke zgjedhur Kinën përballë SHBA-së.
Samiti i APEC 2022 po mbahet në Bangkok, kryeqyteti i Tajlandës, më 18 dhe 19 nëntor.
Bashkëpunimi Ekonomik Azi-Paqësor (APEC) është një forum në të cilin marrin pjesë 21 vende nga Bregu i Paqësorit. Bashkëpunimi është themeluar në vitin 1989. /tesheshi.com/
