Presidenti Macron dha lajmin jo të mirë të pezullimit nga Franca të vizave për Kosovën, duke e vënë këtë si kusht për pranimin e planit franko-gjerman, siç u nënkuptua nga një deklarim i tij gjatë një
“Ne e ndjekim me vigjilencë tensionet që mes Prishtinës dhe Beogradit. Franca dhe Gjermania kanë bërë një propozim që është i fortë dhe i mirë. Presim të respektohet nga dy palët. Përgjegjësia e Vuçiçit të dënojë prerazi aktet e 24 shtator, se kontribuon në rikthimin e qetësisë në kufi. Presim nga Kosova dhe Serbia riorganizimin e zgjedhjeve në komunat(veriore) pjesëmarrjen e serbëve, njohjen e asociacionit nga Kosova. Pres që Vuçiç të jetë përgjegjës, pres të njëjtën gjë nga Osmani dhe Kurti. Ju kemi besuar për çështjen e vizave, por çështja është pezulluar nga ana e Francës pasi fjala nuk po mbahet. Pres të angazhohen dy palët. Është kusht i paqes në të gjithë zonën”, u arsyetua Macron.
Ishte dhe Rama që i mëshoi fort tezave të tij që Kosova t’u bindet kërkesave perëndimore.
“Unë jam i bindur që e mira e madhe e Kosovës është jo që të ulet në tavolinë, por të firmosë të gjithë marrëveshjen edhe sikur Serbia të mos e dojë kurrë, dhe më pas t’ja lërë në dorë BE. Sepse e bën për veten e vet, paqja bëhet për vete, ajo bëhet me armikun nuk bëhet me mikun.
Kosova ka në krah të gjithë çlirimtarët dhe njohësit e saj dhe s’duhet të mbytet me një lugë ujë se çfarë thotë apo apo presidenti i Serbisë, por duhet të sillet drejt rrugës europiane. Këto janë mundësi themeltare për ta çuar përpara procesin e paqes, për mua as që nuk diskutohet që Shqipëria do të mbajë flamurin e paqes, dialogut pa u kapur se çfarë bëri ai tjetri.
Më rrëqethet mishi kur mendoj që mund të ketë një ndalim të procesit të liberalizimit të vizave. Të gjitha ato që ndodhën në veri të Kosovës janë të papranueshme, zija kombëtare në Beograd ishte një skandal europian, por kjo nuk mund të jetë një arsye për të frenuar procesin”, tha Rama. /tesheshi.com/
