Për të treguar se është i arritshëm për popullin francez, presidenti i vendit Emmanuel Macron bëri një vizitë të papritur në jug të Francës me kamera që e kapën atë të veshur me një beretë klasike franceze për të shoqëruar një kor barinjsh teksa këndonin këngët tradicionale.
Në një video të publikuar nga rrjeti francez BFMTV, Macron i shoqëruar nga bashkëshortja e tij, Brigitte, shfaqet i relaksuar dhe duke shijuar peizazhet e bukura në rajonin Arzel-Gazost në jug të Francës pranë kufirit me Spanjën.
Siç komenton zakonisht rrjeti francez, presidenti francez në një moment madje iu drejtua njërit prej barinjve dhe tregoi beretën e tij duke buzëqeshur.
Gazeta franceze La Parisien raporton se 44-vjeçari Macron ka vizituar rajonin e Pirenejve ku zhvillohet turi çiklistik “Tour de France”, i cili tradicionalisht vizitohet nga presidentët francezë gjatë organizimit sportiv.
Megjithatë, për banorin kryesor të Elysée-s, kjo zonë nuk është e panjohur pasi gjyshërit e tij nga nëna vijnë nga qyteti i Banieres de Bigor në Pirenejtë dhe në vitet e tij të rinisë, ai i vizitonte shpesh. /tesheshi.com/
