Ministri i Jashtëm gjerman Heiko Maas ka thënë se jo gjithçka do të ndryshojë nën udhëheqjen e Presidentit të sapozgjedhur të SHBA Joe Biden, por kjo do të jetë më mirë.
Ai vlerësoi për Deutschlandfunk se diskutimi për shpenzimin e parave në mbrojtje brenda NATO-s nuk do të ndryshojë, por se do të zhvillohet në një mënyrë tjetër.
Sipas Maas, debati mbi shpenzimet e mbrojtjes nuk do të jetë aq shumë në fokusin e Biden.
Presidenti i tanishëm i SHBA Donald Trump shpesh ka kritikuar Gjermaninë për dështimin për të rritur shpenzimet e mbrojtjes deri në 2 përqind brenda aleancës së NATO-s.
Ministri gjerman i Ekonomisë, Peter Altmaier është i shqetësuar për paqëndrueshmërinë që u shfaq pas zgjedhjeve në SHBA, duke shtuar se situata mund të zgjasë me muaj.
“Ne mund të mos e dimë se në cilin drejtim politika amerikane do të shkojë deri në pranverë,” tha Altmaier.
Trump premtoi të shtunën se do të “shkonte deri në fund” për të sfiduar rezultatet e zgjedhjeve, të cilat ai pretendon se ishin vjedhur.
I pyetur nëse ai mendonte se ardhja e Biden në Shtëpinë e Bardhë mund t’i jepte fund konfliktit tregtar, Altmaier tha se ai mendonte se situata me administratën e Biden do të kthehej në multilateralizëm më të fortë.
Ai gjithashtu shënoi dëshirën e Biden për t’u kthyer në Marrëveshjen e Klimës në Paris si një lëvizje kryesore. /tesheshi.com/
