Ish-kryeministri shqiptar i Malit të Zi, Dritan Abazoviç, ia ka shpërblyer kryeministrit Rama cilësimin si “ma i miri i tanëve” për të. Për Abazoviç, ka arsye pse njeriu që udhëheq Shqipërinë prej një decade duhet cilësuar si “baba i kombit”, thënë këtë gjatë një interviste. “E meriton me quajt baba i kombit. Për një imazh të mirë të shqiptarëve. Shqipëria ka arrit të jetë në Këshill të Sigurimit të udhëheq mbledhjet ku marrin pjesë shumica e shteteve të botës. Janë gjëra historike për Shqipërinë dhe imazhin e shqiptarëve në botë. E ka sjell Procesin e Berlinit për herë të parë në Tiranë”, tha Abazoviç.
Njihet tashmë lidhja e fortë mes dy politikanëve, ku në përgjigje të Ramës, Abazoviç shprehu gadishmëri për ta përfshirë Malin e Zi në “Open Balkan”.
Por është apo s’është Rama “baba i kombit”, kjo është tejet e diskutueshme. /tesheshi.com/
