Një pjese e madhe e territorit të Shqipërisë, por dhe në Kosovë, është përfshirë nga rreshje të mëdha shiu, si dhe dëbore në zona malore. Por Ministria e Brendshme në Shqipëri, parashikon përkeqësim të kushteve të motit në pasditen e të mërkurës dhe u kërkon qytetarëve të minimizojnë lëvizjet.
Rajonet që parashikohen të preken më shumë janë ato të ultësirës perëndimore, Shkodër, Lezhë, Dibër, Tiranë, Elbasan, Gjirokastër dhe Vlorë, ku do të ketë reshje shiu që mund të arrijnë deri në 30-40 mm. Ndërsa lartësinë mbi 800 metra pritet të ketë edhe rreshje bore të dendura. Ministria e Brendshme u kërkon qytetarëve t’u binden masave të marra nga prefekturat dhe bashkitë, si dhe të japin ndihmën ndaj strukturave të ngritura për emergjencat civile.
Sakaq, prindërve u kërkohet që të shoqërojnë në shkolla, kopshte apo çerdhe fëmijët.
Të gjitha kompanitë kontraktore për mirëmbajtjen dhe mirëfunksionimin e rrugëve kombëtare dhe rurale janë njoftuar, ndërsa u është kërkuar bordeve të kullimit dhe strukturave të hidrovorëve, si dhe OSHEE-të të qëndrojnë në gatishmëri. /tesheshi.com/
