Në një përgjigje të një thirrjeje të presidentit Zelensky për të ulur armët e biseduar, Putin iu drejtua drejtpërdrejt ushtarëve ukrainas dhe u bëri thirrje atyre që të kthehen kundër qeverisë së tyre.
Presidenti rus pretendon se Rusia po lufton kryesisht kundër “nacionalistëve” dhe u bën thirrje forcave të armatosura ukrainase të dorëzohen.
“Merrni pushtetin në duart tuaja. Do të jetë më e lehtë për ne të bëjmë një marrëveshje me ju sesa me këtë bandë të narkomanëve dhe neo-nazistëve,” tha Putin, sipas BBC.
“Të djathtët dhe neo-nazistët në Ukrainë po instalojnë armë të rënda, sisteme raketore në qendrat e qyteteve të mëdha, Kiev dhe Kharkiv”, shtoi ai.
Putin thotë se ithtarët e Banderasit, i cili i referohet luftëtarit anti-sovjetik nga Lufta e Dytë Botërore, Stepan Bandera, dhe të ashtuquajturit neo-nazistë, po “ngrenë armë të rënda duke përfshirë sisteme me shumë raketa” në qytete duke përfshirë Kievin dhe Kharkovin.
“Ata po sillen si terroristë në mbarë botën duke akuzuar Rusinë se ka shkaktuar viktima në mesin e popullatës civile”, tha Putin.
“Dihet mirë se e gjithë kjo po ndodh me rekomandimin e konsulentëve të huaj, në radhë të parë të këshilltarëve amerikanë”, shtoi ai.
Më pas ai iu drejtua forcave ukrainase:
“Edhe një herë, u bëj thirrje ushtarëve të forcave të armatosura të Ukrainës: mos lejoni neo-nazistët dhe banderasit të përdorin fëmijët, gratë dhe të moshuarit tuaj si mburoja njerëzore”, tha Putin.
Më ketë reagim pra, tipik sofist, shuhen shpresat se Putin mund të tërhiqet. Kjo, sepse ka vedosur të krijojë një mit për të justifikuar luftën dhe ta ushqejë atë për të përmbushur synimet. /tesheshi.com/
https://twitter.com/i/status/1497225403731165219
