Kryetari i Gjilani Lutfi Haziri i është kundërpërgjigjur aksionit të Lëvizjes Vetëvendosje në Gjilan.
Ai ka theksuar se individ të frustruar të Vetëvendosjes po e rrënojnë e Pavarësisë së Kosovës, duke thënë se “decentralizimi i Lutës” e ka sjellë Pavarësinë e Kosovës, ndërkaq ‘Zajednica’ e Vetëvendosjes po e rrënon këtë Pavarësi.
“Pas punëve që janë duke u bërë në Komunën e Gjilanit në vlerë prej 5 milionë euro në zëvendësim të gypave të asbestit dhe rregullimit të lumit “Mirusha” e “Stanishorka” dhe ujërave të zeza gjithandej territorit të Komunës në vlerë prej 7 milionë euro, sot Vetëvendosje në Gjilan në mënyrë tinëzare ka shpuar gomat e veturave zyrtare të Komunës”, ka deklaruar ai..
Më tej ai ka thënë se duke e kuptuar vokacionin e Vetëvendosjes në qendër, shpresoj që të mos bartet dhuna edhe në Gjilan, në qytetin e demokracisë, sepse aksionet e tilla të dëmtimit të pronës publike janë të papranueshme dhe si të tilla të dënueshme me ligjet e Republikës.
Sa për informatën e individëve të frustruar, të cilët, po e përsëris, nuk e kanë kaluar as Llabjanin, e le më të merren dhe kuptojnë politikat nacionale, ‘decentralizimi i Lutës’ e ka sjellë Pavarësinë e Kosovës, ndërkaq ‘Zajednica’ e Vetëvendosjes po e rrënon këtë Pavarësi, ka shkruar Haziri në Facebook./tesheshi.com/
