Banorë të një banese ngjitur me vendin ku ndodhi shpërthimi tragjik dje në Lushnje, ngjashëm si ai në Gërdec, kanë rrëfyer tmerrin e përballjes me atë që ndodhi, ku mbetën të vdekur babë e bir.
Me lot në sy, i zoti i shtëpisë ka treguar se si mori rrugën nga Greqia menjëherë për në shtëpi nga meraku për familjen.
“Isha në Greqi dhe mora haberin me anën e familjes që kishte ndodhur diçka e papritur në familjen time. U detyrova dhe erdha urgjentisht. Shyqyr Zotit kam mirë familjen. Kur erdha këtu pash që dëmet ishin të konsiderueshme”.
Ai tha se lajmin e trishtueshëm ia dha e motra. “Kur erdha këtu, mirë që gjeta njerëzit jashtë. Xhama kudo, hekurat të hedhur sa andej këndej. Mirë që s’kanë qenë njerëzit jashtë…”, tha ai.
Kujtojmë se nga ajo që ndodhi në qytetin myzeqar, si pasojë e kontaktit të një vinçi me tensionin e lartë, pati një shpërthim që u shkaktua nga bombolat e gazit në zhvendosje, pati dy jetëhumbje e disa të plagosur. /tesheshi.com/
